Aisa waqt aaya hain..

Ek chhoti si poem for all those people who are confused about life, whose faith is long gone, Everything looks faded, and hope is no where to found. Yes, I am one of them and this is what I am feeling right now…

Aisa waqt aaya hai Zindagi me,
bharosa sab se dagmagaya hai,
Khudaa sabd jhutha sa lagta hai,
Khud ko aaj tanhaa paaya hai…

Charo taraf andhera hai maano,
Bhatakta ek jugnu aaya hai,
Mamooli si roshni kya raasta dikhayegi usko,
Sikaar aaj khud chal ke aaya hai…

Bichhde hai sab iss bheed me,
Jeene me abhi mazaa kaha aaya hai,
Saalo se lage hai tayaari me, kuch kar dikhane ki,
Par sayad hamara waqt kaha aaya hai…

Soch soch ke thak jayenge ek din,
Wo upar wala kis mod pe laya hai,
Jab tak samajh payenge iss zindagi ko,
uss din koi kahega, “Chalo upar se tumhara bulawa aaya hai…”

-Sujit Yadav

A poem about keeping faith in God

Zindagi humesha yuhi karvate badalati rahegi,
Kabhi roti toh kabhi hasti rahegi,
Aaj tanha ho toh niraash naa hona,
Kabhi rahoge akele toh kabhi sath basti rahegi…

Waqt humesha ek sa nahi hoga,
Aaj dukh ki raate hai toh khuskhiyo ka kal bhi hoga,
Dil me chhipe bharose ko kabhi tootne na dena,
Aaj musibato ka sailaab hai toh kal hal bhi hoga….

Kismat aise maud pe le jayegi bhi,
Jo karna nahi chahte the, wo karwayegi bhi,
Umeedo ki patang ko darr kar kabhi chhodna nahi,
Aaj ye Zamee par hai toh kal bulandiya payegi bhi….

Zindagi ki har raah pe ek imitihaan aayega,
Apno se tu khud ko milo door payega,
Jab himmat jawaab dene lage toh khuda ko yaad karna,
Agar wo yaha tak laya hai, toh aage bhi le jayega…..

-Sujit Kumar Yadav