Blog Archives

Aisa waqt aaya hain..

Ek chhoti si poem for all those people who are confused about life, whose faith is long gone, Everything looks faded, and hope is no where to found. Yes, I am one of them and this is what I am feeling right now…

image

Aisa waqt aaya hai Zindagi me,
bharosa sab se dagmagaya hai,
Khudaa sabd jhutha sa lagta hai,
Khud ko aaj tanhaa paaya hai…

Charo taraf andhera hai maano,
Bhatakta ek jugnu aaya hai,
Mamooli si roshni kya raasta dikhayegi usko,
Sikaar aaj khud chal ke aaya hai…

Bichhde hai sab iss bheed me,
Jeene me abhi mazaa kaha aaya hai,
Saalo se lage hai tayaari me, kuch kar dikhane ki,
Par sayad hamara waqt kaha aaya hai…

Soch soch ke thak jayenge ek din,
Wo upar wala kis mod pe laya hai,
Jab tak samajh payenge iss zindagi ko,
uss din koi kahega, “Chalo upar se tumhara bulawa aaya hai…”

-Sujit Yadav

Advertisements

A poem about keeping faith in God

image

Zindagi humesha yuhi karvate badalati rahegi,
Kabhi roti toh kabhi hasti rahegi,
Aaj tanha ho toh niraash naa hona,
Kabhi rahoge akele toh kabhi sath basti rahegi…

Waqt humesha ek sa nahi hoga,
Aaj dukh ki raate hai toh khuskhiyo ka kal bhi hoga,
Dil me chhipe bharose ko kabhi tootne na dena,
Aaj musibato ka sailaab hai toh kal hal bhi hoga….

Kismat aise maud pe le jayegi bhi,
Jo karna nahi chahte the, wo karwayegi bhi,
Umeedo ki patang ko darr kar kabhi chhodna nahi,
Aaj ye Zamee par hai toh kal bulandiya payegi bhi….

Zindagi ki har raah pe ek imitihaan aayega,
Apno se tu khud ko milo door payega,
Jab himmat jawaab dene lage toh khuda ko yaad karna,
Agar wo yaha tak laya hai, toh aage bhi le jayega…..

-Sujit Kumar Yadav

A poem about standing out of the crowd

image

Apne toote huwe Dil ke tukdo ko samete huwe,
Chal raha hun mai akela, kafan ko lapete huwe,
Na mujhe raaho ka pataa hai na manzil ka,
Par iss dagar pe laakho mushafir hai, bhatakate huwe,

Kisi ne pyaar me dhokha khaya,
Toh kisi ne apno ka dagaa jhela,
Kisi ne dekhi kismat ki ruswayi,
Toh koi tha barso se akela,

Har kisi ke Dil me koi na koi gam tha,
Har koi apne ateet ki yaado ke sang tha,
Iss bojh ko Dil pe uthaye huwe,
Sab chale ja rahe the khud ko bhulaye huwe,

Mai bhi uss bheed me shaamil ho gaya,
Waqt ke isharo pe chalne ke kaabil ho gaya,
Kismat ko khuda maan, Mai jeeta chala gaya,
Raaho ka gulaam ban, zehar peeta chala gaya…

Saalo bhatakane ke baad bhi mera koi wajood naa tha,
Logo ki iss bheed me, main maano maujood na tha,

Raaho ke chaaro aur ghanaa jungle tha,
Logo ke mutaabik, waha jana badaa amangal tha,
Jo bhi jayega bheed ko chhod wo pachtayega,
Akela hi bhatak bhatak kar bemaut maara jayega,

Aisi baate sun mera mann aur ghabrane lagaa,
Aisa kya tha waha soch, katraane lagaa,
Jaan na toh chahta tha, par marne ka darr bhi tha,
Isi baat se darr kar mai bhi bheed ke piche jaane laga,

Saal beet te chale gaye,
Kadam dheeme hote chale gaye,
Umr ab dhalne si lagi thi,
Aankhe bhi dhundhlane lagi thi,

Bheed me kisi ke chehre par khushi na thi,
Log muskurate toh they par wo hansi naa thi,

Ek din maine ek bache ko titlee ke piche bhagte dekha,
Bina kisi wajah se paaglo ki tarah naachte dekha,
Uski hansi me maano koi jaadu sa tha,
Mera mann bhi ab naachne ko bekaabu sa tha,

Dekhte hi dekhte wo bacha jungle me kho gaya,
Bas apne piche putlo ki bheed chhod gaya..

Uski ik hansi ne hi mere dil ko hila diya,
barso se jiski thi talaash, uss khuda se mila diya,
Mai bhi uss bheed ko chhod jungle me chal diya,
usi waqt se maano maine apni kismat ko badal diya,

Raah anjaani jaroor thi,
par Dil me ik sukoon sa tha,
Jee raha tha mai apni marzi se,
Ab kisi par nirbhar na tha,

Yahan ki khubsurati dekhi thi toh samajh aaya,
Kyu Jinda hu mai, khud ko jaan paya,
Wo raahe toh bas insaan ko gumraah karti hai,
Dil me basey khwaabo ko tabaah karti hai

Laakho log darr se bas yuhi jee rahe hai,
Khud ko maut ke jaal me yuhi see rahe hai,

Zindagi ka matlab bheed ke piche chalna nahi hota,
Dard ya ruswayi ke darr se zehar peena nahi hota,
Marne ke darr se bahut se log Zindagi nahi jeete,
Bhool jaate hai ki bheed ke piche chalne wala bhi Amar nahi hota…

-Sujit Yadv

Kahaani Ek Patange ki Jise Ishq tha shamaa se -Sujit Yadav

image

Parwane aur shamaa

Duniya ki bheed se door,
Jungle ke ek kone me,
ek patanga rehta tha…

Thoda sa paagal, thoda da maasoom,
bas apni dhun me rehta tha,
naa thi fikar kisi ki,
naa koi usko apna kehta tha…

ghumna din bhar jungle me,
aur masti karna bas dil me rehta tha…

ek din apne raaste se bhatak kar,
reh gaya ek khidki pe atak kar,
aankhe fati ki fati reh gayi,
palke maathe se sati ki sati reh gayi..

saamne uske ek diye pe shama jal rahi thi,
har saans ke saath patange ki jaan nikal rahi thi….

har lamhe ke saath wo deewana ho raha tha,
shamaa ka husn usey bin paani dubo raha tha…

Patange ka dil shama par aa gaya,
banjar zamee par mano baadal chha gaya..

usey paane ki hasrat dil me basti chali gayi,
har jhalak ke sath ishq ka jaal kasti chali gayi…

Patanga har shyaam shamaa ko dekhne aane lagaa,
Parde ke piche se uski jhalak paane lagaa…

har pal bas wo shamaa ko pane ki sochta,
usey jee bhar ke dil se lagaane ki sochta…

Patange ke dosto ne samjhaya usey,
chaha usey jisne bhi, jalaya usey..
Door reh us se, maara jayega,
Dil ke khel me, haara jayega….

Par patange ke dil me uske pyaar ka joonun tha,
usey paa zindagi bhar chahne me hi sookun tha…

Dil me thaan wo nikal padaa, paane usey,
kitna karta hai pyaar, batane usey…

pahuch kar khidki ke pass, patange ne dekha usey….

Shamaa ka husn kamre ko chamkaye baitha tha,
Naa jaane kitni aag badan me chhipaye baitha tha…

kadam badhane se pehle ruka wo pal bhar ke liye,
Theek hai kya uska faisla, parakhane ke liye..

ek taraf Jungle tha, ek taraf pyaar tha,
ek taraf shamaa, toh ek taraf parvana marne ko taiyyar tha…

sab kuch bhula wo shama ki aur badhne lagaa,
chhune ko ek baar usey, dil machalne lagaa..

naa jane kitni raate usne uski yaad me bitayi thi,
aur naa jaane kitne khwaab usne uske liye sajaaye the…

paas aate hi Shamaa ne Patange ko aagosh me bhar liya,
ek hi pal me haste huwe Patange ko khaamosh kar diya…

Shamaa ne apne masoom diwaane ko raakh kar diya,
Saare khwaab, saare Ishq ko khaak kar diya…

Pata tha Patange ko,
Shamaa se Ishq usey marwayega,
Par kya karta, ye bhi pataa tha ki,
Shamaa ke bin wo Jee bhi nahi paayega..

Aaj Zamee par Patange ki raakh tak ke nishaa nahi,
Aur Shamaa waisi hi hai, Jaise maano usey koi fark padta hi nahi…

Saayad yahi Zindagi ka dastoor hai,
yaha har koi, Iss Ishq ke aage majboor hai…

Sujit Yadav

Kuch bhi nahi – Sujit Yadav

image

sujit yadav

Ek adhoora khwaab,
Ek ankahi baat.
Ek tasveer uski dil me,
Aur mere pass, uska kuch bhi nahi….

Aankho me intezaar uska,
Baato me bas uski baatein,
khayaalo me wo mulaakaate,
Aur mere pass uska, kuch bhi nahi,

Wo mehak uske haatho ki,
Wo saraarate un pyaari raato ki,
Wo manana usey, rooth jaane par,
Waqt ka thehar jana uske nazar aane par…

Dekh mujhe ab wo bas nazare chura leti hai,
Maano yaad usey ek lamha bhi nahi,
Hongi uske pass kisi aur ki baahein ab,
Aur mere pass in yaado ke siva, kuch bhi nahi…..

-Sujit Yadav

Kuch Ankahi baatein – Sujit Yadav

image

Kuch baate ankahi si reh gyi,
Kuch vaade adhoore se beh gye,
Hm khaamosh bas usey dekhte rahe,
Wo hamse nazre churaate reh gye…

Hm fir bhi un par nazar tikaye baithe the,
Or wo the jo nazaro k saamne julphe latkaye baithe the,
Aankho k ishaaro me hamaari baat hoti rahi,
Yaado hi yaado me laakho mulakaat hoti rahi…
Jo Kadam uth te unke pass jane ko,
Toh dil k jor se dhadkane aawaz hoti rahi,

Saanse hamari jor se chalne lagi,
Or ye aankhe bhi hamse dhoka karne lagi,

Mann bhi mera bairi ho gya,
Ye Dil toh tha hi uska,
Ab mera akela wajood reh gya,

Uske husn ko dekh mai apne hosh ganwane lagaa,
Har lamha uski chehra meri nazaro k saamne aane lagaa,
Mujhe pataa tha mai uske Ishq me mar raha hu,
Bachna aata tha mujhe par is baar mujhe marna acha lagaa…

Pataa tha mere pass waqt bahut kam hai,
Zindagi me aansu or dil me bahut gam hai,
Hum us choahe pe the jaha hamare raaste alag the,
Or bichde toh milne k dobara mauke bahut kam hai.

Mujhe faisla jaldi lena tha,
Uski nazaro ko bereham jawaab dena tha,
Palke jhukaa maine usey alvida kaha,
Usey dur ajat dekh mujhe ye dard sehna tha.

Pataa nahi zindagi kitno se milayegi,
Jinhe hm paa nhi sakte unse dillagi karwayegi,

Maine dil me kaha,

Ho sake toh iss Naachiz sujit ko yaad rakhna,
Roz na sahi toh kabhi kabhi toh yaad karna,

Mujhe toh ab har din teri yaad aya karegi,
Hoga yakeen tujhe bhi, jab har waqt hichkiyaa aaya kregi,

Kabhi kismat ne saath diya toh milenge tumhe kisi mod par,
Kahi akele kisi jheel kinaare ya kisi road par,

Bas ek guzaarish hai tmse chhoti si,
Na ferna chehra dekh ke kabhi,

“Kyuki tumhari muskurahat paane ke liye ye dil bekaraar rahega, ye tera tha tera hai or tera hi rahega….”

-Sujit Yadav

Aakhiri Khwaaish – Sujit Yadav

image

Tu jitna saamne aayegi mere,
Main utna muskuraunga,
Tu jitna jayegi door mujhse,
Main bhaaga chala aaunga…

Tu jitna sitam karegi mujhpe,
Main utna tujhe chahunga,
Tu bhulana chahegi mujhko,
Main har baat pe yaad aaunga…

Tu kosish karegi rulane ki mujhko,
Main hansta nazar aaunga,
Tu laakh bewafaa keh le mujhko,
Main har gam ko seh jaunga…

Ek din hogi shaadi teri,
Mai tujhe laal jode me dekhne aaunga,
Tu dekh ke muh fer legi mujhko,
Mai chaah kar bhi ro na paunga…

Ho rahe honge fere tere,
Main peene mehkhaane jaunga,
peeunga us din jee bhar ke,
aur na jane kitne aansu bahaunga..

Ek chhoti si khwaaish hai meri,

Tujhe kisi aur ka hota dekh,
Mujhe pataa hai main mar jaunga,
Bas tu aana aakhiri baar dekhne mujhe,
Main sukun se fir Jal jaunga…

Guys I want Feedback. Please rate it at the scale of ten and also tell best and worst line of the poem. I will be Glad

Kisi Ko – A poem by Sujit Yadav

Kisi ko “Ye khaana acha nahi” keh, khana chhod jate dekha hai,
Toh kahin kisi ko do sookhi roti ke liye ghanto paseena bahate dekha hai,
Kisi ko makhmali bistar par bhi karvate badalte dekha hai,
Toh kahin kisi ko Zameen par bhi chain se so jaate dekha hai…

Kisi ko apni Maa ko dhakke maar ghar se bhaghate dekha hai,
Toh kahi kisi ko Maa ka pyaar pane ke liye aansu bahaate dekha hai,
Kisi ko apne Pita ke saath chalkar sarmaate dekha hai,
Toh kahin kisi ko apne apaahij baap ko kandhe pe uthate dekha hai….

Kisi ko apne hi sago ko dukh pahuchaate dekha hai,
Toh kahin kisi ko kisi paraaye ke liye pathar ke aage haath failate dekha hai,
Kisi ko Saalo ka Pyaar chhod, door jaate dekha hai,
Toh kahin kisi ko door rehkar bhi Pyaar nibhaate dekha hai..

Kisi ko sainkdo khilono ke baad bhi muh latkaate dekha hai,
Toh kahin kisi ko Titli ke piche bhaag muskuraate dekha hai,
Kisi ko thokar kha girkar Jamee par so jaate dekha hai,
Toh kahin kisi ko fir se sambhalkar Aasmaan me udd jaate dekha hai….

Kisi ko iss Zindagi ki keemat ka majaak banate dekha hai,
Toh kahin kisi ko do pal ki Zindagi ke liye sab kuch lutate dekha hai,
Kisi ne dekhe Gulaab me Kaante, toh maine kaanto me Gulaab dekha hai,
Mujhe nahi pataa maine kya sikha ab tak, Maine toh bas ek chhoti si zindgaani ka khawaab dekha hai…

– Sujit Yadav