Blog Archives

Aisa waqt aaya hain..

Ek chhoti si poem for all those people who are confused about life, whose faith is long gone, Everything looks faded, and hope is no where to found. Yes, I am one of them and this is what I am feeling right now…

image

Aisa waqt aaya hai Zindagi me,
bharosa sab se dagmagaya hai,
Khudaa sabd jhutha sa lagta hai,
Khud ko aaj tanhaa paaya hai…

Charo taraf andhera hai maano,
Bhatakta ek jugnu aaya hai,
Mamooli si roshni kya raasta dikhayegi usko,
Sikaar aaj khud chal ke aaya hai…

Bichhde hai sab iss bheed me,
Jeene me abhi mazaa kaha aaya hai,
Saalo se lage hai tayaari me, kuch kar dikhane ki,
Par sayad hamara waqt kaha aaya hai…

Soch soch ke thak jayenge ek din,
Wo upar wala kis mod pe laya hai,
Jab tak samajh payenge iss zindagi ko,
uss din koi kahega, “Chalo upar se tumhara bulawa aaya hai…”

-Sujit Yadav

Journey of Life : Sujit Yadav

image

This is not a poem, These are not just lines. It may be few words for somebody. But for me Its my feelings…something that I am so attached to…To my village , To my friends, To my Life…its for you all…

Aaj bhi waha kuch nahi badla. Wo raaste waise hi hai, wo galiyan utni hi tanha hai. Log aaj bhi apne kaam me usi tarah masgool hai jaisa mai chhod kar gaya tha.

Chidiyo ka chahchahana wahi hai, bulbul ka gaana wahi hai. Baarish ki bundo ko bhi pehchanta hun, Bas khud ko nahi..

Mitti ki wo mehak yuhi barkaraar hai, wo Kadmo ke nishaan wahi hai. Unse judi yaade Jehan me hai, bas hai nahi, toh mera wajood, Jo ab sabse juda hai..

Mere jaan ke baad bhi Chaand utna hi tez chamakta hai, hawaaye aaj bhi dil me tapish liye firti hai. Jugnu aaj bhi roshni sath kar bhi, raasta bhatak jaate hai…

Chulhe ki raakh, aaj bhi shamaa ke intezaar me hai. Kone me padi charpayi aaj bhi kisi ko aagosh me lene ko tayyar nazar aati hai.

Wo chhoti chhoti galiya, jinpar kabhi taktaki lagaye baithe rehte the, unpar ab Musafir aate toh hai. Par uske aane ki aas nahi..

Kheto ki pagdandi par ab apni railgaadi nahi dauda karti. Wo purani tubewell hamara badan bhigoya nahi karti. Kinaro pe lage ped aaj bhi Jawaa hai. Maano unhe kisi ki nazar lagaa nahi karti…

Chaupaal aaj bhi Bujurgo se bhari rehti hai. Aaj bhi yaha koi baazi jeet raha hota hai. To koi baazi khone ke darr se chilla raha hota hai.

Wo ghutne pe chalne waale bacche daudne lage hai. Cycle walo ko bhi picche chhodne lage hai. Kal tak Kaliyaan thi jo, ab phool ban chuki hai. Muhalle me naye naye ladko ke chakkar lagne lage hai….

Waqt kitni tezi se badal raha hai. Kal tak in raasto par chalta tha main, Aaj mera jism kisi aur raah par chal raha hai…

Sochta tha mere jaane ke baad kya hoga. Par ab mehsoos hota hai ki maano kisi ko meri parwaah hi nahi. Par mera dil samjhta hai. Samjhata hai ki Zindagi kabhi kisi ke liye nahi rukti. Log aate jaate rahenge. Zindagi ke rango me doob ke nahate rahenge. Mera kirdaar khatm hua, ab mujhe aage badhna hai…Bas ye yaado ke silsile satate rahenge….

Kisi din koi aayega, Jo iss Diary pe dhyan dega. Ultega panne aur iss kahani ko payega….Par uske liye ye mehaz kaali syahi se likhe kuch sabd honge. Dekhega, Faadega aur aag me jalaa dega.

Aur iss tarah wo shaksh mujhe raakh me mila dega….

A poem about keeping faith in God

image

Zindagi humesha yuhi karvate badalati rahegi,
Kabhi roti toh kabhi hasti rahegi,
Aaj tanha ho toh niraash naa hona,
Kabhi rahoge akele toh kabhi sath basti rahegi…

Waqt humesha ek sa nahi hoga,
Aaj dukh ki raate hai toh khuskhiyo ka kal bhi hoga,
Dil me chhipe bharose ko kabhi tootne na dena,
Aaj musibato ka sailaab hai toh kal hal bhi hoga….

Kismat aise maud pe le jayegi bhi,
Jo karna nahi chahte the, wo karwayegi bhi,
Umeedo ki patang ko darr kar kabhi chhodna nahi,
Aaj ye Zamee par hai toh kal bulandiya payegi bhi….

Zindagi ki har raah pe ek imitihaan aayega,
Apno se tu khud ko milo door payega,
Jab himmat jawaab dene lage toh khuda ko yaad karna,
Agar wo yaha tak laya hai, toh aage bhi le jayega…..

-Sujit Kumar Yadav

I feel like I am lost

Sometimes I think, I will never make it or I am not on the right track. It feels like I will die with regrets, like a common man whose name only few knows. A man who was known as a funny and ambitious guy but died like a loser. A lable will be put on my head “Trash-Talker”. A man who dint become what he wanted to be, because He had some good excuses like,
“My grammer is not good”
“I have responsibility”
“I dont want to hurt my family”
“I will do it later…”
image

I know these are excuses, Damn Fucking excuses..but sometimes I feel so helpless and weak. I know, ‘Life will not be the same’ but my confidence goes down everytime my parents scolds me. I know this is another excuse. May be I am thinking too much, May be its right for me or May be I am on my way…But I dont want to hide from these emotions(Doubt and fear). May be nobody cares. But I know every successful person was at the place where today i am. May be its an Omen:)