Diary of a Girl – Sujit Yadav

Mujhe Army officer ban na hai. Bachpan se bas yahi sapna tha. Daddy kaha karte the ki ek din meri raani beti hamar naam roshan karegi.

Mujhe exam dena jaana tha. Mai bus stand pe bus ka intezaar kar rahi thi. Us din koi bus hi nahi aa rahi thi. Maine auto wale bhaiya ko haath diya par sab full the. Tabhi ek school bus aake ruki. Usme se mere papa ki umar ka aadmi bahar aya bola beti kaha jaana hai. Mera us bus me jaane ka mann nahi tha par jaldi thi. Us bus me kuch or bhi aadmi baithe toh mujhe jyaada dikkat nahi hui.

Mai bas apne exams ke baare me soch rahi. Soch rahi thi ki agar Pass ho gyi toh Papa ko kitna garv hoga. Mummy seene se lagaa khub pyaar karegi. Apni pehli payment se Papa or Mummy ke liye ek acha sa present laungi.

After one hour,

Mai road par padi thi. Tann par ek kapda bhi na tha. Aankho ke saamne andhera tha bus. Aansu chhalak chhalak mere gaalo ko bhigo rahe the. Bas aawaze sunayi de rahi thi, par kuch samjh nahi aa raha tha. Bas un darindo ke chehre nazar aa rahe the. Mai hilna chahti thi par hil nahi paa rahi thi. Log bas mujhe tamashe ki tarah khade dekh rahe the.

Maine gardan thodi si ghumayi toh apne kandhe pe un darindo ke Naakhuno se bane gehre ghaav ko dekha jis se khoon nikal raha tha. Mai sochne lagi ki papa jab is ghaav ko dekhenge wo mujhe kitna daantenge. Wo meri bahut care karte hai. Agar chhoti si chot bhi lag jaaye toh wo mujhe daante hai ki kaam araam se kiya karo Priya.

Do aadmiyo ne mujhe utha Van me leta diya or mere badan par kambal dhak diya.
Mai bas ye soch rahi thi, Mummy papa se kya kahungi? Ki Maa mai officer nahi ban paayi, kaise kahungi ki Maa jo wo meri saadi ke khubsurat sapne sazaa muskuraya karti thi wo toot chuke hai. Kaise nazre milaungi Papa se? Kaise unhe kahungi ki mere saath kya hua? Mujhe chinta hai Papa ki ap society walo ki baato ka kya jawaab doge.

Papa mujhe bahut dard ho raha hai. Mai bas kehna chahti hu ki Sorry mai ek achi beti nahi ban saki saayad. Ab mujhse koi shaadi nahi karega. Mummy meri haatho pe mehndi nahi racha payengi.

Mujhe nahi pataa ye mere saath kyu hua. Maine kabhi kisi ka bura nahi chaha. Mai bas jaate jaate ye puchna chahti hu sabse kya Ladki hona Gunaah hai?