A poem about standing out of the crowd

image

Apne toote huwe Dil ke tukdo ko samete huwe,
Chal raha hun mai akela, kafan ko lapete huwe,
Na mujhe raaho ka pataa hai na manzil ka,
Par iss dagar pe laakho mushafir hai, bhatakate huwe,

Kisi ne pyaar me dhokha khaya,
Toh kisi ne apno ka dagaa jhela,
Kisi ne dekhi kismat ki ruswayi,
Toh koi tha barso se akela,

Har kisi ke Dil me koi na koi gam tha,
Har koi apne ateet ki yaado ke sang tha,
Iss bojh ko Dil pe uthaye huwe,
Sab chale ja rahe the khud ko bhulaye huwe,

Mai bhi uss bheed me shaamil ho gaya,
Waqt ke isharo pe chalne ke kaabil ho gaya,
Kismat ko khuda maan, Mai jeeta chala gaya,
Raaho ka gulaam ban, zehar peeta chala gaya…

Saalo bhatakane ke baad bhi mera koi wajood naa tha,
Logo ki iss bheed me, main maano maujood na tha,

Raaho ke chaaro aur ghanaa jungle tha,
Logo ke mutaabik, waha jana badaa amangal tha,
Jo bhi jayega bheed ko chhod wo pachtayega,
Akela hi bhatak bhatak kar bemaut maara jayega,

Aisi baate sun mera mann aur ghabrane lagaa,
Aisa kya tha waha soch, katraane lagaa,
Jaan na toh chahta tha, par marne ka darr bhi tha,
Isi baat se darr kar mai bhi bheed ke piche jaane laga,

Saal beet te chale gaye,
Kadam dheeme hote chale gaye,
Umr ab dhalne si lagi thi,
Aankhe bhi dhundhlane lagi thi,

Bheed me kisi ke chehre par khushi na thi,
Log muskurate toh they par wo hansi naa thi,

Ek din maine ek bache ko titlee ke piche bhagte dekha,
Bina kisi wajah se paaglo ki tarah naachte dekha,
Uski hansi me maano koi jaadu sa tha,
Mera mann bhi ab naachne ko bekaabu sa tha,

Dekhte hi dekhte wo bacha jungle me kho gaya,
Bas apne piche putlo ki bheed chhod gaya..

Uski ik hansi ne hi mere dil ko hila diya,
barso se jiski thi talaash, uss khuda se mila diya,
Mai bhi uss bheed ko chhod jungle me chal diya,
usi waqt se maano maine apni kismat ko badal diya,

Raah anjaani jaroor thi,
par Dil me ik sukoon sa tha,
Jee raha tha mai apni marzi se,
Ab kisi par nirbhar na tha,

Yahan ki khubsurati dekhi thi toh samajh aaya,
Kyu Jinda hu mai, khud ko jaan paya,
Wo raahe toh bas insaan ko gumraah karti hai,
Dil me basey khwaabo ko tabaah karti hai

Laakho log darr se bas yuhi jee rahe hai,
Khud ko maut ke jaal me yuhi see rahe hai,

Zindagi ka matlab bheed ke piche chalna nahi hota,
Dard ya ruswayi ke darr se zehar peena nahi hota,
Marne ke darr se bahut se log Zindagi nahi jeete,
Bhool jaate hai ki bheed ke piche chalne wala bhi Amar nahi hota…

-Sujit Yadv

Advertisements

About Sujit Yadav

Sujit Yadav is a tech savvy who loves to explore about new technology. he is also passionate about Animation and Game development. He loves to write poems and loves to draw. he is a learner of life who loves travelling, meeting new people and Ddancing.

Posted on November 29, 2013, in Poems and tagged , , , , , . Bookmark the permalink. 14 Comments.

  1. Bhai… mast hai ekdum.. dil ki gahraiyo…ko hilaa ke rakh dala….. awesummm

  2. Me always yarrr… bhaiii

    Or aapka.. 495 kesa chal ra h..??? Mere wale ki battry dikkat karri h… maine bttry ka cost pucha to bole rs. 368 in dehradunn…….

  3. dil ko chu…gai….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: